Израиль әскері Газа секторынан шықты

Израиль билігі  Газа секторынан әскерін шығарды. Подполковник Питер Лернердің мәлімдеуінше, израильдік күштер Газаны тараптар арасындағы оқ атуды тоқтату туралы келісім күшіне енген уақыттан бастап, жергілікті уақытпен сағат 05.00-де  босатты.

Соңғы шабуылда Израильдің ХАМАС ұйымы мен басқа да радикалды топтардың жерасты жолдарын бұзу мақсаты орындалды.

4 апта бойғы қақтығыста 1700-ге жуық палестиналық пен 67 израильдік, 1 тайландтық тұрғын  қаза тапты, деп хабарлайды ВВС.

«Израильдің қорғаныс күштері Газа секторынан тыс аймақтарға орналасатын болады. Біз қорғаныстық позициямызды жалғастыра береміз»,-  деді подполковник Питер Лернер мәлімдемесінде.