Алматы-Ақтөбе бағытында жаңа пойыз жүретін болады

1 тамыздан бастап №49/50 «Алматы-2 - Ақтөбе» бағытындағы «Жібек жолы» жолаушылар пойызы жолға шығады. Бұл туралы «Жолаушылар тасымалы» АҚ хабарлады. Төрт күнде бір рет қатынайтын пойыз құрамы «Тұлпар-Тальго» вагондарынан жасақталады. 

Пойыз 23 вагоннан тұрады, оның ішінде 2 «Бизнес», 2 «Гранд», 14 «Турист», 1 вагон ресторан, 1 вагон-кафетерий бар. 

Пойыз Шу, Жамбыл, Шымкент, Арыс-2, Түркістан, Қызылорда, Қазалы, Сексеуіл станцияларына аялдайды. Ақтөбеге дейінгі жол 30 сағат 08 минутты, қайтар жол 29 сағат 51 минутты құрайды.