Владимир Никитенко «Атырау» клубын жаттықтырады

Владимир Никитенко «Атырау» футбол клубының жаттықтырушы болып бекітілді. Бұл туралы облыстық Футбол федерациясы хабарлады.

«Никитенко «Атырау» клубындағы жұмысын бастап кетті. Владимир Никитенко 2001-2002 жылдары «Атырау» клубын басқарған Ваит Талгаевтың көмекшісі ретінде қызмет атқарған. Сол жылы «Атырау» клубы ел біріншілігінің күміс жүлдегері атанған болатын. Ал, былтыр Владимир Никитенко «Ақтөбе» клубымен Суперкубокты жеңіп алғаны баршаға белгілі», - деді Атырау облысы әкімінің орынбасары Шыңғыс Мұқан.

«Атырау» клубы осы кезге дейін жаттықтырып келген Анатолий Юревич денсаулығына балйынсты клубтан кеткен.