Санкт-Петербург халықаралық экономикалық форумы биыл 19-шы рет өтуде

Ондағы мақсат – әлемдік экономиканың хал-ахуалын бағамдап, болжам жасау.

Форумның жұмысына Ресей Президенті Владимир Путин қатысты. Ол жаңа интеграциялық бастамаларға ерекше мән беру керектігін айтты.

Бұл тұрғыда Еуразиялық экономикалық одақ пен Қытай тарапы келешекте қоян-қолтық жұмыс істеуі қажет.

Сонымен қатар, Ресей басшысының жиында айтқан кейбір сөздері, жақында Қазақстан Президенті жариялаған реформалармен үндес шықты. 

Экономикалық форумға барлығы 100 елден 6 мыңға тарта адам келді. Қазақ елінен Ұлттық банк пен Қаржы министрлігінің және бизнес қауымдастық өкілдері қатысты.

Нұртас СОЛТАНҰЛЫ