Жаңалықтарды Telegram арнамыздан оқыңыз!Астанадағы Қазіргі заман өнер мұражайында танымал суретші-зергер, педагог, Қазақстан Суретшілер одағының мүшесі, «ЮНЕСКО» Сапа белгісінің» иегері Сержан Башировтың «Бәйшешек» атты жеке көрмесінің вернисажы өтті.
«Сержан Мұратұлы - қазіргі заманғы қазақстандық зергерлердің арасында өзінің брендімен танымал дарынды тұлға. Оның шығармашылығы ұлттық символикаға қаныққан, формалары өзгеше, сондай-ақ көркемдік талғамы ерекше, этноавангардтық дизайн үлгілеріне сәйкес келеді», - дейді көрмені ұйымдастырушы Гүлмира Баширова.
Көрмеге шебердің қолынан 2000-2014 жылдар аралығында шыққан 100-ге жуық зергерлік бұйымдар, мүсіндер және инсталляциялар қойылған.
Көрме 18 наурыз - 7 сәуір аралығында жұмыс істейді.
