2014 жылы республикалық бюджеттің 90 миллиард теңгеден астамы қалпына келтірілді

Бұл туралы Есеп комитетінің төрағасы Қозы-Көрпеш Жаңбыршин мәлімдеді.

Бақылау іс-шараларының қорытындысы бойынша 90 миллиардтан аса теңге қалпына келтіріліп, бюджетке қайтарылған.

336 лауазымды тұлға тәртіптік және әкімшілік жауапқа тартылып, 22 бақылау материалы құқық қорғау органдарына жіберілген.

Ал, Үкімет пен мемлекеттік органдарға 68 ұсыным мен 244 тапсырма жіберіліп, толық орындалған.

Сондай-ақ, комитет төрағасы былтырғы республикалық бюджеттің жоспарланған кірістері мен шығындарын Үкіметтің мінсіз орындағанын жеткізді.

Айбар ТӨЛЖАНҰЛЫ