«Самұрық-Қазына» Ұлттық әл-ауқат қорында трансформациялау бағдарламасына қатысты жиын өтті

Ел экономикасындағы инвестиция көлемін ұлғайтып, еңбек өнімділігін арттыру - Мемлекет басшысы тапсырған негізгі міндеттердің бірі. 

Бүгін «Самұрық-Қазына» Ұлттық әл-ауқат қорында «Қазпошта», «Қазақтелеком» мен «Air Astana» жетекшілері бас қосып, трансформациялау бағдарламасына қатысты жиын өткізді.

Қызмет көрсету сапасы мен бәсекелестікті арттыру, сондай-ақ, еңбек тиімділігін бір жолға қою мәселесі -  басты назарда.

Айта кетейік, 2014 жылдың 6 қазанынан бастап, «Самұрық-Қазынаға» тиесілі барлық компанияларда трансформациялау бағдарламасы жүзеге асуда.

Айбар ТӨЛЖАНҰЛЫ