Басты Жаңалықтар Прагада дзюздодан халықаралық турнир аяқталды

Прагада дзюздодан халықаралық турнир аяқталды

03.03.2014 12:15

Дзюдодан Прагада өтіп жатқан халықаралық турнирдің екінші жарыс күнінде қазақстандық Әділхан Қозыбаев қола жүлдегер атанды.

Кіші финалда 100 келіге дейінгі салмақ дәрежесінде сынға түсетін Қозыбаев Қырғызстан палуаны Шыңғыс Мәмедовті жеңді.

Ұлттық құрама көшбасшыларының бірі Ержан Шынкеев (+100 келі) қола медаль үшін күресте Моңғолия палуаны Дууренбаяр Ользибаярдан ұтылып, 5-і орынға табан тіреді.

Осылайша, Чехия төрінде аяқталған «European Open» турнирінде Қазақстан құрамасы үш жүлдеге иелік етті. Алғашқы жарыс күнінде 60 келіде сынға түсетін Айбек Имашев алтын, Ғұмар Қырғызбаев қола медаль жеңіп алған еді.

Өкінішке қарай, Варшавада өткен қыздар арасындағы «European Open» турнирінде Қазақстан құрамасының дзюдошылары жүлдеге іліге алған жоқ, деп хабарлайды confederation.kz

Бөлісу