Басты Жаңалықтар Жол сапасын цифрлық платформа қадағалайды

Жол сапасын цифрлық платформа қадағалайды

01.05.2026 20:38

Жаңадан салынған жолдарың сапасы енді цифрлық платформа арқылы бақыланады. Егер тас төсеме талапқа сай келмесе, қолданысқа енгізілмейді. Мамандардың айтуынша, цифрлық жүйе ашықтық пен тиімділікті қамтамасыз етеді. Жол құрылысы бағытында жұмысты күшейту мақсатында Петропавл қаласында арнайы оқыту семинары ұйымдастырылды. Жиын барысында «KazRoadLab» жүйесін тиімді пайдалану, салынатын жолдардың сапасын бақылау, арнайы сараптама жүргізу мәселелері талқыланды. Басты мақсат – жергілікті атқарушы органдардың жұмысының тиімділігін арттыру және заманауи цифрлық мүмкіндіктерді барынша пайдалану, дейді ұйымдастырушылар.

Қанат Өсербаев, «Жол активтерінің сапасы ұлттық орталығы» РМК СҚОФ директоры:

Саланы цифрландыру жұмысы жүріп жатыр. Жүйенің артықшылығы – барлық процестердің толық ашықтығын қамтамасыз етеді. Алынған сынамалар нақты уақыт режимінде тіркеліп, картада көрсетіледі. Бұл деректерді бұрмалау мүмкіндігін жойып, адами фактордың әсерін азайтады. Жол құрылысы мен жөндеу сапасын бақылау күшейеді.

Автор

Эльмира Кәленова

Бөлісу