Басты Жаңалықтар Пингвиндердің ең ірісі – император пингвині

Пингвиндердің ең ірісі – император пингвині

27.02.2014 12:03

Пингвиндердің ішіндегі ең ірісі – император пингвині. Бойы – 1 метр, салмағы – 30 келіге тең. Осыған қарамастан, ол теңізде еркін жүзе алады. Антарктика олар үшін ең жайлы мекен. Өйткені, мұнда пингвиндерге қауіп жоқ. Бірақ, ең қиыны – суыққа шыдау керек.

Император пингвиндері небір аяздарға төтеп бере алады. Осы суыққа шыдау үшін олар артық салмақ жинайды. Алайда, артық салмақтың әсерінен жүру де қиындайды. Күн ұзаққа мұз үстінде жүре берсе, аяқтары үсіп қалар еді. Мұндай жағдайда бұл пингвиндер өкшелерімен де жүреді.

Бір қызығы, балапан пингвинге әкесі «қарайды». Аналық пингвин жұмыртқа тапқаннан кейін оны әкесіне тапсырады. Жұмыртқаны суыққа шалдырмай, балапан жарып шыққанша қарау, жетілдіру әке пингвиннің мойнында. Және тағы бір қызық, аналық пингвин жұмыртқа тапқаннан кейін 150 күн аш жүре береді екен.

Бөлісу