Басты Жаңалықтар Шахаризат Сейдахмет: «Жобаға ақша үшін келген жоқпын»

Шахаризат Сейдахмет: «Жобаға ақша үшін келген жоқпын»

27.01.2014 03:35

«Қазақстан» Ұлттық телеарнасында өткен «Қазақстан дауысы» жобасының жеңімпазы Шахаризат Сейдахмет «Таңшолпанда» қонақта.

«Жоба бойы өзімді моральдық тұрғыдан жеңістен гөрі, жеңіліске көп дайындадым. Тәлімгерлердің біреуі бұрылса да, жетер деп келгенмін. Алайда, үш тәлімгердің таңдауы түсті. Дәстүрлі бағытта шырқайтындықтан, Нұрлан Албанды таңдадым. Ал жеңіске жетемін деген ой болған емес», дейді ол.

Ол әлеуметтік желілердегі «Жеңіске Тимур Омаров лайықты», деген пікірлерге мән бермейтінін айтты.

«Бәйге болған соң кері пікірлердің болуы заңдылық. Менің орнымда басқа үміткер жеңімпаз атанса да, дәл осындай пікірлер туындайтын еді. Бұған аса мән бермеймін», дейді ол.

Ал жеңімпаз жобадан ұтқан 5 миллион теңгені алдымен өз шығынын өтеуге, қайырымдылық мақсатқа, қалған бөлігін тәлімгеріне беретінін айтты.

Бөлісу