Басты Жаңалықтар WSB. Тойытов жекпе-жекті айқын басымдылықпен аяқтады

WSB. Тойытов жекпе-жекті айқын басымдылықпен аяқтады

11.01.2014 02:32

Польшаның Вышкув қаласында «Astana Arlans» пен «Poland Hussars» командалары арасындағы бәсеке жалғасуда. 56 келі салмақ дәрежесінде Мейірболат Тойытов Марек Петрущукпен жұдырықтасты.

Қазақстандық боксшы бұл маусымда мексикалық Серхио Чирино Санчеспен жекпе-жекке шығып, жеңіске жеткен еді. Айта кетейік, бұл маусымда польшалық команданың бірде-бір боксшысы жеңіске жетпеген.

Бұл жекпе-жекте де Польша командасына ұпай бұйырмады. Мейірболат бірінші раундта қарсыласын екі рет нокдаунға жіберді. Польшалық боксшы намысқа тырысып, жекпе-жекті 5 раундтқа созғанымен, Мейірболат айқын басымдылықпен жеңіске жетті.

Бөлісу