Футболдан Әлем чемпионатының жүлде қоры рекордтық 871 миллион долларға жетті

FIFA 2026 жылғы футболдан Әлем чемпионатының жүлде қорын бұрын-соңды болмаған деңгейге жеткізді.  871 миллион доллар. Енді турнирге қатысатын құраманың әрқайсысына кемінде 12,5 миллион доллар беріледі. Сондай-ақ ұйым командалардың жол шығыны мен жанкүйерлерге арналған билет үлесін арттыруға қосымша қаражат қарастырған. Қалған қаржы FIFA-ға мүше елдердің футболын дамытуға бағытталады.  2026 жылғы Әлем чемпионаты 11 маусым мен 19 шілде аралығында АҚШ, Канада және Мексикада өтеді. Бұл дода тарихта алғаш рет 48 құраманың қатысуымен ұйымдастырылмақ.