Астана ауруханаларында ашық есік күні өтуде

Таң сәріден астаналық отбасылар кез келген ауруханаға барып ақысыз кеңес алып жатыр. Астанадағы №5 емхананың өзіне бүгін 900-ден астам тұрғын келген. Олар үшін психологиялық жәрдем көрсетіліп, әлеуметтік қызметкерлер қол ұшын беруде.

Болашақ аналар үшін ашылған «босануға дайындық мектебі» де үлкен сұранысқа ие екен. Аптасына екі рет өтетін тренингке күн сайын жазылған адамдар саны артып отыр. Қажет десеңіз, емханада бала психологы мен дәрігерлері де көмек көрсетуге дайын.