Семейде жас геологтардың қысқы олимпиадасы өтті

Мұндай бәсеке жастарды кәсіптік бағдарлауға, оқушылардың геологиялық зерттеуге деген қызығушылықтарын арттырады, дейді мамандар.

Бүгінде қазба байлыққа толы еліміздің жер қойнауын зерттейтін геолог мамандары тапшы.

Сондықтан өскелең ұрпақты елімізге аса қажет кәсіп иесі болуға жастайынан баулу маңызды.

2010 жылдан бастап ұйымдастырыла бастаған олимпиада халықаралық деңгейде өтіп жүр.

Осыған дейін білім сайысына Ресей, Қырғыз Республикасы, Өзбекстан мен Тәжікстанның да жас геологтары қатысқан.

Ержан ЖАҚЫП