Жаңалықтарды Telegram арнамыздан оқыңыз!Жоғарғы оқу орындарына автономия беру - жергілікті жерлерде кадр тапшылығын жоюдың сенімді кепілі. Жолдауға үн қосқан Ақтаудағы «Каспий технологиялар және инжиниринг» университетінің ректоры осылай дейді.
Әділбек Ботабековтің айтуынша, қазір елімізде автономды оқу орындарын басқаруды ұршықша иіріп кетуге дайын тәжірибелі жетекшілер бар. Солардың біліктілігін пайдаланып, жетекші жоғарғы оқу орындарының мүмкіндіктерін аша түсу қажет.
Яғни, қолында құзіреті бар білім ошақтарына ғылым-білімді өзінше дамытып, білімгерлердің шығармашылық әлеуетін, ұстаздардың біліктілігін арттыруға мүмкіндік бермек. Ең бастысы, аймақтардағы кадр тапшылығын азайтады.
Әділбек Ботабеков, Ш.Есенов атындағы Каспий мемлекеттік технологиялар және инжиниринг университетінің ректоры:
Әрбір ұсақ-түйек жағдайларды министрлікпен келісіп, уақыт ұттырып аламыз. Екіншіден әр өңірдің өзіндік мұқтажы болады. Оның барлығын орталықпен келісе бермей, осы өңірдегі атқарушы органдармен ақылдасып, іске асыру керек. Бірақ, ол қаншалықты қиын болғанымен, пайдасы зор.
Сандуғаш ШОРТАНОВА
