Басты Жаңалықтар EXPO-2017 туралы түсіндірме жұмыстары басталады

EXPO-2017 туралы түсіндірме жұмыстары басталады

30.09.2013 08:30

EXPO-2017 халықаралық көрмесі жайында елді мекендерге түсіндіру жұмыстары басталмақ. Бұл туралы бүгін «Жасыл ел» жастар еңбек жасағының республикалық слетінде айтылды.

Арқа төріндегі жиынға еліміздің барлық аймақтарынан белсенді еңбеккерлер жиылды. EXPO-2017 Ұлттық басқармасының мамандары 100-ден аса «Жасыл ел» жасақтарына көрме туралы толыққанды мәлімет берді.

Яғни, EXPO-ның тарихын айтты. Пайдасы мен мақсатын түсіндірді. Айта кетейік, түсіндірме жұмыстарына барлық өңірден 1000-нан аса жас жұмылдырылмақ.

Жасұлан Алдабергенов, «Жасыл ел» еңбек жасақтарының жетекшісі /Қызылорда/:

EXPO-ның пайдасы өте көп. Өйткені, қазақтың жерлерін көрсетеміз. «Болашақтың энергиясы» деп аталады екен. Күннен, желден қандай энергия аламыз және пайдасы не? Қазақстанды бүкіл әлемге таныстырып, өзіміздің байлықтарымызды, жерімізді көрсетеміз. Бұл семинар-тренингтен үйренгенімізді өзіміздің өңірлерде жүзеге асыратын боламыз.

Сәкен СЕЙІТХАНҰЛЫ

Бөлісу