2015 жылы Қазақстанның дамуы деңгейі 1,2 пайызды құрады

Бүгін Президент жанындағы орталық коммуникациялар қызметінде Премьер-министрдің бірінші орынбасары Бақытжан Сағынтаевтың, бірқатар министрлердің қатысуымен «2015 жылдың экономикалық даму көрсеткіштері» тақырыбында брифинг өтті.

Брифингте еліміздің әлеуметтік-экономикалық жағдайы айтылды. Бірінші вице-премьер Бақытжан Сағынтаевтың айтуынша өткен жылы ел экономикасынң өсу көрсеткіші 1,2 пайызды құраған. Ал, еліміздің экономикалық белсенділігін сақтап тұруға «Нұрлы жол» бағдарламасы айтарлықтай ықпал еткен. Соның нәтижесінде жұмыссыздық деңгейін, инфляцияны өсірмеуге мүмкіндік туып отыр.

Бақытжан Сағынтаевтың айтуына қарағанда өтке жылы жұмыссыздық деңгейі 5 пайыз көлемінде болған. Индустрияландыру картасы аясында 800 млрд теңгелік 120 жобасы іске қосылған. Сонымен қатар, өткен жылы ауыл шаруашылығы өнімдерін өндіру 4,4 пайызға өсіпті.