«Nestlé» компаниясы Қызылорданың күрішін шоколад өндірісіне пайдаланбақ

Биыл «Абзал және К» серіктестігі 3 жарым мың гектар жерге дән екті.

Әр гектардан орта есеппен 50 центнерден өнім жинап, қамбаны толтырған. Сол жиналған қара күріш өндіріс орнында тазартылып, бірнеше сатылы процестен өткен соң дайын өнімге айналады.

«Абзал және К» серіктестігі күрішпен отандық нарықты қамтамасыз етіп қана қоймай, Орталық Азия, Таяу Шығыс пен Еуропа мемлекеттерінен түскен тапсырысты да қанағаттандыруда.

Зауытта қазір сағатына 5 тонна күріш ақталады. Жылдық қуаттылық-22 мың тонна. Дүниежүзілік сауда ұйымының талаптарына сай келетін өндіріс орны осылайша ел экономикасын арттыруға үлес қосуда.

Ақерке БЕРІКБЕКҚЫЗЫ