Тараздағы жүн өңдейтін зауыт кластерлік жүйеге өтпек

2015 жылы зауыттан жүннің 2,5 мың тоннасы жуылып тазартылып, өзге елге жөнелтіледі.

Фабрика алдағы уақытта дайын өнім шығару үшін кластерлік жүйеге өтуге ынталы. Өйткені жүннен жасалатын тауарларды шет елдерден әкелгеннен гөрі, өзімізде өндірген әлдеқайда тиімді. Мәселен, кәсіпорын басшысы Ресейге барып, қазақстандық жүннен мата тоқытқан.

Бір шаршы метрінің бағасы 2 800 теңге болған. Ал өзімізде жасасақ, 1500 теңгеге түседі. Үнемді үйренуге ұмтылған мамандар кластерлік жүйеге өту үшін шетелдік инвесторларды шақырып отыр.

Сәкен СЕЙІТХАНҰЛЫ