Мамыр айы мерекеге толы. Мерекелі, берекелі айдың Алаш жұрты үшін тағы бір айрықша датасы бар. Осы мамырда еліміз қазақтың аса дарынды, арынды ақыны, үш бәйтеректің бірі - Ілияс Жансүгіровтың 125 жылдығын атап өтуді бастап кетті. Ақынның «Күй», «Күйші», «Дала», «Құлагер» секілді классикалық шығармалары - ешқашан ескірмейтін, жылдар жылжыған сайын сан қырынан жарқырай беретін мәңгілік поэзия.
«Ілияс Жансүгіров - өртеңге шыққан, құдіретті өрт ақын. Ақындық бауырын Құлагерше жазып үлгере алмай, Құлагерше қапыда мерт болды», - деп жазыпты сыншы Сағат Әшімбаев. Отызыншы жылдардың ойранында ұлы ақын жазықсыз оққа ұшты. Дәл қазір қазақ поэзиясының Құлагері - Ілияс Жансүгіровтың «Құлагер» поэмасынан үзіндіні диктор Мұхамедәлі Болатұлы оқиды. Бейнебаянды әзірлеген - Әлімжан Сабыржанұлы.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Ілияс Жансүгіровтың туғанына - 125 жыл&mh_tags=Qazaqstan&mh_page=https://qazaqstan.tv/news/76406/)