«Silk Way Star» байқауының алтыншы жарыс күнінің қорытындысы

Алтыншы жарыс күні тоғыз үміткер өз өнерлерін көрсеткен соң, тоғыз елден жиналған қазылар алқасы бағалауға көшті.

«Silk Way Star» бәйгесінде өз елдерінің батырлары, туған ел қаһармандары туралы шырқаған қатысушылардың үздік үштігі мынадай:

Кезекті жарыс күнінің жеңімпазы – Айқын Төлепберген. Ол 50 ұпай жинады.  Екінші орынды 48 ұпаймен башқұрт әншісі Ян Лира иеленсе, үшінші орын татар қызы Маликаға бұйырды.

Айта кетейік, «Silk Way Star» жобасында үміткерлерді бағалаудың басты ерекшелігі – бір үміткерге қойылған баға екінші мәрте қайталанбауы тиіс.

Естеріңізге сала кетейік, «Silk Way Star» халықаралық музыкалық байқауы «Qazaqstan» Ұлттық арнасынан әр сенбі сағат 21:15-те эфирге шығатын болады.