Тайваньға «Лекима» тайфуны қауіп төндіріп тұр

Тайваньға төніп келе жатқан «Лекима» тайфунына байланысты елде ең жоғарғы қауіптілік деңгейі жарияланды. Жергілікті синоптиктердің хабарлауынша, дүлей дауыл аралға сенбі күні соққы береді. Қазір ол сағатына 15 шақырым жылдамдықпен жылжып барады. Соның салдарынан алдағы күндері жауын-шашын мөлшері 250-320, ал таулы аймақтарда 900 миллиметрге дейін жетуі мүмкін.

Осыған байланысты, 300-ден астам әуе рейсі доғарылып, круиздік лайнерлердің қозғалысы тоқтатылды. Аралдың 8 қаласында мектептер мен жұмыс орындары жабылған. Супертайфун Шанхай қаласына да қауіп төндіріп тұр. Сондықтан, мегаполиске жақын маңдағы елді мекендерден 16 мыңнан астам тұрғынды эвакуациялау жоспарланып отыр.

Жансая ҚАПАСҚЫЗЫ