Иранда бірнеше күн толассыз жауған жаңбырдан өзендер арнасынан тасыды

Елдің солтүстік провинцияларында су тасқыны жолдарды шайып кетті. Қазір оңтүстік-батыстағы Хузестан провинциясында қауіп күшейіп, төтенше жағдай жарияланып отыр. Сондықтан аталған аймақтағы ондаған ауылдың тұрғындары қауіпсіз жерге көшірілді.

Естеріңізге сала кетсек, өткен аптада Иранда күшті тасқын болып, 45 адам қаза тапты. Ел билігі бұл жағдайды соңғы он жылда болмаған жойқын табиғи апат екенін айтты. Бұқаралық ақпарат құралдарының хабарлауынша, зардап шеккен аудандардан он мыңдай адам эвакуацияланып, мыңға жуығы арнайы орталықтарға орналастырылған.

Жансая ҚАПАСҚЫЗЫ