Грекияда пошта қызметкерлері бір күндік ереуіл жариялады

Грекияда пошта қызметкерлері біркүндік ереуіл жариялады. Олардың үкіметке қояр негізгі талабы – жұмыс орнын сақтап, жалақының қысқаруына жол бермеу.

Жоспарға сәйкес, ел пошталарында 2300-дей адам қызметтен босатылып, 220 бөлімше жабылады. Ал, осы салада жұмыс істейтін адамдардың айлығы 2010 жылдан бері 40 пайызға азайған.

Грекияда пошта халықтың өмірінде маңызды рөл ойнайды. Тұрғындар ол арқылы хат пен сәлемдемелер алып, су мен газды, электр қуаты мен телефон қызметінің ақысын төлейді.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.