Огайо штатында атыс болып, 4 адам мерт болды

АҚШ-тың Огайо штатындағы банктердің бірінде бәзбіреу адамдарға оқ жаудырып, 4 азамат мерт болды. Тағы 2-еуі жараланған. Бұл туралы «Ассошиэйтед пресс» агенттігі хабарлап отыр. Оқыс оқиға Цинциннати қаласында жергілікті уақытпен сағат  9-да болған. Атыс «Fifth Third Bank» кіреберісінде басталған. Шабуылшының өзі де мерт болды деген  мәлімет бар. Дегенмен, әзірге оны полиция өлтірді ме, әлде өзіне-өзі қол жұмсады ма белгісіз. Кей деректер бойынша, ол сол банк қызметкері болуы мүмкін. Істің мән-жайы анықталып жатыр.      

Мақпал СЕРЖАНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.