Қызылорда облысында жастар тазалық акциясына шықты

Қызылорда облысы Жаңақорған ауданында жастар «Таза Қазақстан» акциясына қатысты. Бұл жолы 50-ге жуық белсенді кенттің шет аймағына шықты.

Жастар «Жаңақорған-Шалқия» тасжолының бойында қураған шөптерді жұлып, айналаны қоқыстан тазартты. Сондай-ақ жасыл желекке күтім жасап, ағаштарды суарды. Жалпы, ауданда эко-белсенділердің қатары артқан. Жергілікті тұрғындар да сенбіліктерге немқұрайлы қарамай, жастардың бастамасына үн қосып жатыр. Жыл басынан бері саябақтар мен тарихи ескерткіштер аумағы, су айдындарында тазалық шаралары ұйымдастырылып, мыңдаған тонна қоқыс шығарылды.