Орталық сайлау комиссиясының төрағасы халықаралық байқаушылармен кездесті

Орталық сайлау комиссиясының төрағасы халықаралық байқаушылармен кездесті. Олардың қатарында Әзербайжандағы Орталық сайлау комиссиясының төрағасы Мазаир Панахов және Армениядағы сайлау комиссиясының төрағасы Ваагн Овакимян бар. Нұркен Әбдіров Қазақстанда жүргізіліп жатқан конституциялық реформа туралы жан-жақты тоқталып, сайлау комиссиясы жұмысының ашықтығы, алдағы сайлауға дайындық барысы, дауыс беру тәртібі, үйде, шетелде, сондай-ақ есептен шығару куәлігін пайдалана отырып, басқа елді мекендерде дауыс беру мүмкіндіктерін атап өтті. Халықаралық байқаушыларды жұмысты ұйымдастырудың инновациялық әдістері, мәселен, Sailau AI ЖИ-көмекшісінің қолданылуы қызықтырды.