Криптовалюта сатушылар көбеймек

Әлемдегі қаржы институттарының бестен бір бөлігі алдағы 12 айда криптовалюта сату мәселесін қарастырып жатыр. Мұны «Рейтер» агенттігі сауалнама жүргізіп анықтаған. Оған жауап берген респонденттердің 70 пайызы биткоинды саудалайтынын және бұл іске алдағы 3-6 айдың ішінде кірісетінін айтты. 

Сауалнамаға 400-ден астам адам қатысты. Олардың қатарында ірі банктердің мүлік менеджерлері, хедж-фондтар мен биржа мамандары бар.

Цифрлық ақшаны алып-сатуға өткен жылы биткоин бағасы аспандап кеткенде қызығушылық артты. Бірақ, биыл оның құны айтарлықтай түсті. Сондықтан, криптовалютадан қауіптеніп, оның болашағына күмән келтіріп отырған сыншылар да баршылық.

Арыстан РЫСБЕК