Арменияның Гюмри қаласында да оппозиция шеруі басталды

Жергілікті әкімшіліктің мәліметінше, орталықтағы Вардананц алаңына жүз шақты адам жиналды. «Алайда, қаладағы жағдай полиция бақылауында», дейді Гюмри мэриясының өкілдері. Ал, Ереванда сәуірдің 13-де басталған наразылық акциясы бүгін қайта жалғасты. Соңғы мәліметке қарағанда, оппозицияның 30 шақты белсендісі тұтқындалған.

Демонстранттар бұрынғы президент Серж Саргсянның премьер-министр болып тағайындалуына қарсылық білдіріп жатыр. Бұл шеруді «Бейбіт революцияның бастауы» деп атаған оппозиция жетекшісі Никол Пашинянның сөзінше, конституция өзгергендіктен, мемлекет билігі бәрібір Саргсянның қолында қалып отыр.

Арыстан РЫСБЕК