Армения астанасы Ереванда демонстранттар полициямен қақтығысты

Оппозиция жақтастары бұрынғы президент Серж Саргсян кандидатурасының премьер-министрлікке ұсынылуына наразылық білдіріп, көшеге шыққан. Қарсылық акциясы 4 күнге созылды. Қақтығыс кезінде 46 адамға медициналық көмек қажет болған. Олардың алтауы – полиция офицерлері. Жараланғандардың ішінде оппозиция лидері Никол Пашинян да бар. Мұны жергілікті ақпарат құралдары хабарлады.

Биліктегі Республикалық партия Саргсянның кандидатурасын үкімет басшылығына сәуірдің 14-де ұсынды. Бұл мәселеге қатысты соңғы шешім парламентте бүгін қабылдануы керек.

Арыстан РЫСБЕК