АҚШ-та әскери тікұшақ құлады

АҚШ-тың Калифорния штатының оңтүстігінде тікұшақ құлап, 4 адам қаза тапты. Әуе көлігі Теңіз жаяу әскерінің корпусына тиесілі еді. Бұл туралы «Рейтер» агенттігі хабарлап отыр.

Соңғы түскен мәліметтерге сай, тікұшақ оқу-жаттығулар кезінде апатқа ұшыраған. Оқыс оқиға Эль-Сентро қаласы маңында Мексика шекарасынан бірнеше шақырым жерде болды.

CH-53E Super Stallion АҚШ-тың Әскери күштері қатарындағы ең ірі тікұшақ. Ал, оның не себепті құлағаны әзірге белгісіз.

Айта кетсек, Құрама Штаттарда қаңтарда ғана дәл осындай апат болған еді. Онда Лос-Анджелестен солтүстік-шығысқа қарай Форт-Ирвин Ұлттық оқу орталығының жанында АН-64 құлап, екі адам опат болған-ды.

Мадина РАХЫМБЕК