Сергей Скрипальдің қызы есін жиды

Ұлыбританияның Солсбери қаласында уланған ресейлік бұрынғы шпион Сергей Скрипальдің қызы есін жиды. Ол да осы айдың басында «новичок» деген жүйкені зақымдаушы элементтен зардап шеккенді. Алайда, британдық дәрігерлердің сөзінше, Юлия қазір хал үстінде жатқан жоқ және оның жағдайы тез жақсарып келеді.

Айта кетсек, бұл оқиға Кремль мен Батысты үлкен дауға ұрындырды. Мәскеу Скрипальдарды уламағанын алға тартып отыр. Алайда, бұған сенбеген АҚШ, Еуропа, Канада, Австралия Ресейдің 100-ден астам дипломатын еліне қайтарды. Соңғы мәліметке қарағанда, президент Владимир Путин де Американың 60 шақты дипломатын мемлекет аумағынан шығару туралы шешім қабылдаған.

Арыстан РЫСБЕК