Сауд Арабиясында әйелдер көлік жүргізуді үйреніп жатыр

Сауд Арабиясында әйелдер көлік жүргізу курстарына белсенді түрде жазылып жатыр. Оларға автомобиль айдауға рұқсат берілетіні былтыр қараша айында жарияланды. Бұл туралы заң маусымда күшіне енуі керек. Сондықтан, қыз-келіншектер қазірден бастап жол ережелері мен көлікті басқаруды үйреніп жатыр. Саудия осы уақытқа дейін әйелдерге көлік жүргізуге рұқсат бермеген әлемдегі жалғыз ел болған. Бірақ, кейінгі кездері бұл монархияда азаматшалардың құқығын кеңейту шарасы жеделдетіліп, оларға әкесінің немесе күйеуінің рұқсатынсыз кәсіп ашуға, стадионға баруға, армия қатарында қызмет етуге құқық берілді.

Арыстан РЫСБЕК