АҚШ-та винтовканы автоматқа айналдыруға тыйым салынбақ

АҚШ президенті винтовканы автоматқа айналдыруды қаламайды. Сондықтан, Дональд Трамп мұндай өзгертуге тыйым салатын заң жобасын әзірлеуге бұйрық берді. Оның сөзінше, рұқсат етілген қарудан пулемет жасауға қолданылатын құралдарды сату таяу арада тоқтатылады.

Трамптың мұндай шешім қабылдауына Флорида штатында 19 жастағы жігіт мектепте көпшілікке оқ жаудырып, 17 адамды мерт қылғаны себеп болып отыр. Сонымен қатар, былтыр Лас-Вегаста Стивен Паддок есімді азамат та дәл осындай автоматтық қаруға айналған құралмен 58 адамды өлтірді.

Арыстан РЫСБЕК