Жаңалықтарды Telegram арнамыздан оқыңыз!Бүгін Шанхайдың орталық ауданында отқа оранған көлік тротуарға шығып кетіп, жаяу жүргіншілерді соқты. Соның нәтижесінде 18 адам жараланды. Олардың үшеуі ауыр халде жатыр. Тергеудің алдын ала қорытындысына қарағанда, өрт Чен есімді 40 жастағы жүргізуші көлік ішінде темекі тартқанда басталған. Бірақ, полиция ауруханада жатқан шофер қауіпті материалдарды заңсыз тасымалдады деп күдіктеніп отыр.
Куәгерлердің сөзіне сүйенсек, өртенген минивэн жаяу жүргіншілерді соғып, «Старбакс» кафесінің алдына тоқтады. Бұл оқиға елге Ұлыбритания Премьер-Министрі Тереза Мэйдің баруымен тұспа-тұс келіп отыр.
Томирис АБИШЕВА
