Бали әуежайы ашылды

Индонезияның Бали аралында бірнеше күн бойы жабық тұрған әуежай ашылып, жолаушылардың кейбіреулері ұша бастады. «Reuters» агенттігінің хабарлауынша, қазір Агунг тауынан 60 шақырым қашықтықта орналасқан әуежайда кейбір рейстер кестесі қалыпқа келді. Дегенмен, жергілікті билік жанартау маңындағы жолдарды қатаң бақылауда ұстап отыр.

Еске салсақ, таяуда вулканнан төнген қатер ең қауіпті дәрежеге жетіп, тау басынан 4 мың метрге дейін түтін мен күл будақтап көтерілген. 450-ге жуық рейс кейінге қалып, 59 мыңдай турист әуежайда тұрып қалды. Жанартаудан төнген қауіп күні бүгінге дейін сейілген жоқ.

Мақпал СЕРЖАНҚЫЗЫ