Туристер мінген автобус апатқа ұшырады

Түркияның батысында туристер мінген автобус жүк көлігіне соғылып, 23 адам жараланды. Оларды жедел жәрдем қызметкерлері дереу ауруханаға жеткізді. Жергілікті «Haberler»  газетінің хабарлауынша, жол апаты Афьонкарахисар провинциясындағы Сұлтандаг ауданында болған.

Әзірге апатқа не себеп болғаны белгісіз. Зардап шеккендердің азаматтығы туралы да ақпарат түскен жоқ. Тергеу амалдары жүріп жатыр.

Мақпал СЕРЖАНҚЫЗЫ