Түркияда оппозиция маршы өтті

Түркияда оппозициялық Халықтық-республикалық партияның наразылық акциясы 15-ші күнге ұласты. Маршқа жиналған мыңдаған адам осы партиядан шыққан депутат Энис Бербероғлының тұтқындалуына наразы. Саясаткер ақпарат құралдарына елдің ұлттық барлау ұйымына қатысты ақпаратты әшкереледі деп айыпталды. 

Бербероғлы  2016 жылғы жазда жүзеге аспаған әскери төңкерістен кейін түрмеге қамалған Халықтық-республикалық партияның алғашқы депутаты. Былтыр шілдеден бері Түркияда 50 мыңдай адам қамалып, 150 мыңдай қызметінен кетірілген.