Жаңалықтарды Telegram арнамыздан оқыңыз!Лондонда жолаушыларды көлікпен қағу оқиғасына байланысты күдікті ретінде 48 жастағы жүргізуші тұтқындалды. Кәугерлердің айтуынша, шабуылшы жалғыз болмаған. Алайда, полиция «басқа күдікті жоқ», деп отыр.
Бүгін таңертең Ұлыбритания астанасында бір топ мұсылманды фургон қағып кеткен еді. Көлік Севен Систерс көшесіндегі адамдарды соққан. Зардап шеккендердің барлығы кешкі намаздан қайтып келе жатқандар. Олардың біреуі қаза тауып, 8-і жараланды. Оқиға орнына бірден 100 шақты медицина қызметкерлері, құтқарушылар, психолог жетті.
Бұл шабуыл «терроризм» деп танылып, ол бойынша қылмыстық іс қозғалды.
Фариза МҰСАҚЫЗЫ
