Лондондағы өрттен қаза тапқандар саны 12-ге жетті

Полицияның мәліметінше, құрбандардың саны әлі де өсуі мүмкін. Бірнеше тұрғын іс-түзсіз жоғалып кеткен. Олардың нақты саны белгісіз. От тұтанғанда, ғимаратта 600-дей адам болған. Қайғылы оқиға кезінде жараланған 68 адамның 18-і қазір ауыр халде. Өрт әлі толықтай сөндірілген жоқ. Жалынмен күреске 250-дей өрт сөндіруші жұмылған. Әзірге, 24-қабатты тұрғын үйдің неліктен өртенгені белгісіз. Тұрғындар бұған дейін ғимараттағы өрт қауіпсіздігіне қатысты шағым бергендерін айтады. Британ үкіметінің басшысы Тереза Мэй оқиғаның себебін анықтау үшін қолдан келгеннің бәрі жасалатынын мәлімдеді.

Арай ТӨЛЕГЕНҚЫЗЫ