Ауғанстан астанасындағы жарылыстан қаза тапқандардың саны 90-нан асты

400-дейі жараланған. Олардың арасында Қазақстанның 2 азаматы бар. Кабулдің дипломатиялық ауданындағы жарылғыш затты жанкешті-лаңкес іске қосты. Бомба көлікке жасырынған. Әзірге шабуылға жауапкершілікті ешкім мойнына алған жоқ. Дегенмен, сарапшылардың пікірінше, терактті «ДАИШ» тобы жасаған болуы мүмкін.

Жарылыстан Ауғанстандағы Қазақстан, Түркия, Франция, Германия мен Канада елшіліктері зақымдалған. Шабуылды ел билігі сынға алды.

Арай ТӨЛЕГЕНҚЫЗЫ