Венесуэлада қақтығыс құрбандарын еске алуға арналған шеру өтті

Венесуэлада қақтығыс құрбандарын еске алуға арналған шеру өтті. Оған студенттер, қаза болғандардың дос-жарандары, оппозиция өкілдері қатысқан. Сәуірден бері өтіп жатқан тәртіпсіздіктерден 39 адам қаза тапты. Жүздегені жараланып, 2 мыңдай кісі тұтқындалған.  Наразылық акциясы елде күн сайын дамылсыз өтіп жатыр. Оған қатысушылар президенттің отставкаға кетуін, сайлау өткізуді талап етіп жатыр. Оппозициялық белсенділердің сөзінше, Венесуэла халқының демонстрацияға шығып, қарсылық көрсетуден басқа амалы қалмаған. Ал, социалистік президент Николас Мадуро болса елдегі тәртіпсіздіктерді АҚШ өзін биліктен тайдыру үшін ұйымдастырды деп мәлімдеп келеді.

Арай ТӨЛЕГЕНҚЫЗЫ