«Боруссия» футбол клубының ойыншылары мінген автобуста жарылыс болды

Дортмундта «Боруссия» футбол клубының ойыншылары мінген автобус жанында үш бірдей жарылыс болды. Оқиға кезінде команда қорғаушысы Марк Бартра жеңіл-желпі жарақаттанған. Әзірге, жарылыстардың неліктен болғаны белгісіз.

Ал, Дортмунд полициясы бұл  «Боруссия» футболшыларына қарсы бағытталған шабуыл деп мәлімдеді. Бұған қоса, тергеушілер жарылыс болған жерден табылған хатты қазір зерттеп жатыр.

Арай ТӨЛЕГЕНҚЫЗЫ