Женевада Сирия бойынша келіссөздер өтіп жатыр

Дәл қазір Женевада Сирия үкіметі мен оппозициясы арасындағы келісссөздердің кезекті бөлімі өтіп жатыр. Жиынның алдында БҰҰ-ның арнайы өкілі Стаффан де Мистура қарсыласушы тараптардың өкілдерімен жеке-дара кездескен. Ол сәрсенбі күні мәлімдеме жасап, бұл конференциядан үлкен нәтиже күтпейтінін айтты.

Басқосуда талқыланатын негізгі тақырыптар – сенімді, көпжақты, діни емес үкімет құру, жаңа конституция дайындау кестесі және алдағы 18 айдың ішінде әділ сайлау өткізу.