Астанада Ислам ынтымақтастығы ұйымының ғылым мен технология жөніндегі саммиті өтеді

Қыркүйек айында Астанада Ислам ынтымақтастығы ұйымының ғылым мен технология жөніндегі алғашқы саммиті өтеді. Осы жиынға дайындықтың барысын пысықтау үшін еліміздің Сыртқы істер министрінің орынбасары Ақылбек Камалдинов Мәскеу қаласында Африка мемлекеттерінің Ресейдегі елшілерімен кездесті.

Басқосуда дипломатиялық миссия жетекшілеріне Африка құрлығындағы елдерге арналған Астана саммитінің ресми шақырту қағазы табысталды. Сонымен қатар, тараптар Ислам ынтымақтастығы ұйымының кездесуінде талқыланатын жайттар туралы айтып, ұйымдастыру жұмыстары бойынша пікір алмасты.

Нұртас СОЛТАНҰЛЫ