Ереванда қарулы топ дәрігерлерді кепілге алды

Ереванда полиция бөлімшесін шабуылдаған «Сасна црер» қарулы тобы жедел жәрдем дәрігерлерін кепілге алды. Мұны тәртіп сақшыларының өкілі Ашот Агаронян мәлімдеп отыр.

Оның айтуынша, түнгі атыстан соң полиция бөлімшесінде қарулы топтың зардап шеккен екі адамы қалған.  Оларға көмек көрсету үшін полицейлер дәрігер шақырмақ болады. Алайда, жараланғандар бұл көмекті қабылдамай, өздері жедел жәрдем шақырып, оқиға орнына келген медицина қызметкерлерін кепілге алған.

Фариза МҰСАҚЫЗЫ