Синай түбегіндегі ұшақ апатынан кейін әлем елдері Мысырмен арадағы әуе қатынасын уақытша тоқтатуда

Қазірдің өзінде 10 мемлекет осындай шешім қабылдаған.

Олардың ішінде ең көп турист жіберіп отырған Британия мен Ресей де бар. Владимир Путин Ұлттық антитеррористік комитеттің ұсынысымен келісіп, Мысырмен арадағы әуеқатынасты тоқтатты.

Билік өкілдердің мәлімдеуінше, бұл - ұшақ апатының себептері анықталғанша қабылданып отырған шара. Британ және ресейлік саяхатшылардың Мысырдан жаппай кетуі ел экономикасына кері әсерін тигізбей қоймайды.

Өйткені, туристік сала табысы Мысырдың жалпы ішкі өнімінің 11 пайызына тең. Қазірдің өзінде сарапшылар ел қазынасына түсетін қаражат 14 пайызға қысқаруы мүмкін, деп болжауда.

Мадина МҰҚАНОВА