ЕҚЫҰ: Дауыс беру процесі тыныш өтті

Еуропадағы қауіпсіздік және ынтымақтастық ұйымына мүше байқаушылар сайлау кезіндегі дауыс беру учаскелерінің дайындығын ерекше атады. Мүмкіндігі шектеулі азаматтарға барлық жағдай жасалған, одан бөлек комиссиялардың жұмыс барысы, сайлаушыларға ақпараттың түсіндірілуі жоғары деңгейде ұйымдастырылған дейді. Сондай-ақ дауыс беру процесі тыныш өткенін айтты. 

Пике Винсент, ЕҚЫҰ ДИАҚБ халықаралық сайлауды байқау миссиясының басшысы:

Қазақстанда сайлауға дайындық барысын бақылау үшін жеті аптадан бері жүрміз. Байқаушыларымыз барлық облыста және республикалық маңызы бар үш қалада жұмыс істеді. Сондықтан біз сайлау науқанының қалай өткенін жеткілікті деңгейде нақты әрі жан-жақты бағалай алдық. Бәрі ойдағыдай, тыныш өтті. Алдағы уақытта саяси ашықтық арта түсетініне сеніміміз мол екенін де айтқым келеді.