Басты Жаңалықтар Ақтөбе облысында тағы бір ауылға газ берілді

Ақтөбе облысында тағы бір ауылға газ берілді

24.08.2026 17:33

Ақтөбе облысында тағы бір ауылға газ берілді. Бұл жолы Жабасақ елді мекені тұрғындарының көптен күткен тілегі орындалды.

Жоба аясында 56 шақырымға жуық құбыр тартылып, 534 тұрғын көгілдір отынның игілігін көре бастады. Нәтижесінде Әйтеке ауданындағы 27 елді мекеннің 21-і табиғи газбен қамтылды. Бұл жалпы халықтың 94 пайыздан астамы. Тұрғындар оң өзгерістер елді мекеннің әлеуметтік инфрақұрылымын дамытуға және ауылдың одан әрі өркендеуіне жаңа мүмкіндік береді деген сенімде.

Маратбек Байғожин, ауыл тұрғыны:

Жұмыс істеп жатқан барша ағайынға, қызметкерлердің бәріне де рахмет айтамыз. Ауылымызға жол салынып жатыр, газ келіп жатыр. Әрқашанда елімізде осындай игі істер бола берсін!

Автор

Жақсыбек Кемал

Бөлісу